Úndistandaǵy oıyn-saýyq saıabaǵyndaǵy órtten qaza tapqandar sany 28-ge jetti

<p>NЬıÝ-DELI. KAZINFORM &ndash; Úndistannyń batysyndaǵy Gýdjarat shtatynda senbi kúni bolǵan órtten qaza tapqandar sany 24-ten 28-ge jetti. Bul týraly jeksenbide jergilikti órtke qarsy qyzmet qyzmetkeri habarlady, dep jazady <a href="https://russian.news.cn/20240527/01c52610707a49ccbb206a67b37325d8/c.html" target="_blank" rel="noopener">Sınhýa.</a></p>

Radjkot qalasyndaǵy TRP Game Zone-da órt shyqqan. Qaza tapqandar arasynda kem degende toǵyz bala bar. Órttiń shyǵý sebebi ázirge resmı túrde jarııalanǵan joq, biraq órt oıyn-saýyq saıabaǵynyń ishindegi dánekerleý jumystary nemese qysqa tuıyqtalý saldarynan bolýy múmkin degen boljam bar.

Saıabaqtaǵy túrli oıyn avtomattaryna janarmaı quıý úshin saqtalǵan dızeldik otynnyń úlken qory órtti odan ary kúsheıtip, qaıǵyly jaǵdaıǵa ákeldi. Oqıǵadan keıin saıabaq ıeleri ustalǵan.

Buqaralyq aqparat quraldarynyń habarlaýynsha, oıyn-saýyq saıabaǵy ýaqytsha qurylys materıaldarynan turǵyzylǵan jáne tez tutanatyn materıaldardy saqtaý kezindegi tıisti qaýipsizdik sharalary jasalmaǵan. Shtat úkimeti oqıǵany tekserý úshin arnaıy top qurdy.