Úndistandaǵy kóshkinnen qaza tapqandar sany 150 adamnan asty

<p>ASTANA. KAZINFORM &ndash; Úndistannyń ońtústigindegi Kerala shtatynda qatty mýsson jańbyrynyń saldarynan 150-den astam adam qaza tapty. Úılerdi sý basyp, júzdegen adam iz-túzsiz joǵaldy. Bul týraly <a href="https://edition.cnn.com/2024/07/30/asia/india-wayanad-landslide-deaths-rescue-intl-hnk/index.html" target="_blank" rel="noopener">CNN </a>jazdy.</p>

Resmı aqparattarda 150-den astam adamnyń sýǵa ketkeni habarlandy. Qutqarýshylar qıraǵan kópirler men aǵashtardyń kedergisinen jáne elektr qýatynyń joqtyǵynan izdestirý jumystary qıyn bolǵanyn aıtýda.

– Biz iz-túzsiz joǵalǵan adamdar ózenge aǵyp ketti me, joq pa bilmeımiz, biraq olardy qutqarý úshin qoldan kelgenniń barlyǵyn jasap jatyrmyz, – dedi Keralanyń orman jáne jabaıy tabıǵat mınıstri.

Osy ýaqytqa deıin myńǵa jýyq adam qutqarylǵan, izdeý-qutqarý jumystary áli jalǵasýda. Bılik qaza bolǵandardyń týystaryna 2400 dollardan, jaralanǵandardyń árqaısysyna 600 dollardan tóleıtinin málimdedi.

Aıta keteıik, buǵan deıin Úndistannyń ońtústigindegi kóshkin qurbandarynyń sany 100-den asqanyn habarlaǵan edik.