Úndistandaǵy eń baı jup toı aldynda 150 mln dollarǵa merekelik kesh ótkizdi

<p>ASTANA. KAZINFORM &ndash; Úndistanda úndilik mıllıarderdiń kenje uly, 28 jastaǵy Anant Ambanıdiń úılený aldyndaǵy úsh kúndik saýyq keshi ótip jatyr. Tanymal ánshi Rıanna óner kórsetken kontserttik is-sharada ózge de syıly qonaqtar men mıllıarderler boldy. Bul týraly <a href="https://timesofindia.indiatimes.com/life-style/food-news/anant-ambani-and-radhika-merchant-wedding-ambani-family-hires-21-indore-based-chefs-for-the-pre-wedding-functions/articleshow/108022377.cms" target="_blank" rel="noopener">Times of India</a> basylymy jazdy.&nbsp;</p>

Kúıeý jigittiń ákesi Mýkesh Ambanı - Reliance Anil Dhirubhai Ambani Group kompanııasynyń ıesi, Úndistan men Azııadaǵy eń dáýletti adam. Forbes nusqasy boıynsha, ol álemdegi eń baı adamdar arasynda 9-orynda tur jáne onyń dáýleti 117 mlrd dollarǵa baǵalanyp otyr. 

Úsh kúnge sozylatyn merekege Hılları Klınton, Bıll Geıts, Mark Tsýkerberg, Ivanka Tramp jáne basqa da tanymal tulǵalardy qosqanda 1 200-den meıman shaqyrylǵan. Qonaqtardyń aldynda Rıanna bastaǵan álem juldyzdary óner kórsetti. 

Bul keshte áıgili aspazdar 2 500-ge jýyq taǵam túrin daıyndady. Sondaı-aq olarǵa toǵyz bettik dress-kod usynyldy.  

Aqparat kózderine súıensek, otbasy bul aıtýly is-sharaǵa 151,6 mln dollar (257,8 mln teńge – red.) jumsaǵan. 

Aıta keteıik, bul – úılený toıyna deıingi rásim, úılený toıynyń ózi shilde aıynda bolady.

Eske sala ketsek, qańtarda Brýneıde 32 jastaǵy hanzada Abdýl Matın men ol jary etip tańdaǵan 29 jastaǵy Anısha Isa Kalebıchtiń úılený toıy ótken. Mereke 10 kúnge sozyldy.