Úndistanda jantúrshigerlik jarylys boldy, qurbandar bar

<p>Úndistannyń ortalyǵyndaǵy Madhıa-Pradesh shtatyndaǵy Baıragar aýylyndaǵy jasyryn otshashý zavodynda bolǵan jarylys saldarynan kem degende 11 adam qaza taýyp, ondaǵan adam jaralandy. Bul týraly búgin <a href="https://www.hindustantimes.com/photos/news/madhya-pradesh-fire-death-toll-rises-to-11-in-harda-fireworks-factory-blasts-60-injured-101707216821187.html" target="_blank" rel="noopener">Hindustan Time </a>gazeti habarlady.</p>

«Bul jarylys kezinde 11 adam qaza taýyp, 80-nen astam adam jaraqat aldy. Oqıǵaǵa 50-den astam jedel járdem, 400 polıtseı, órt sóndirýshiler men qutqarýshylar jumyldyryldy», — delingen habarlamada.

Marqumdardyń kópshiligi úıindiler astynda qalyp ketken.

«Bular negizinen jarylystan keıin úıindi astynda qalyp qoıǵandyqtan, qaza tapqan adamdar. Biz jarylys bolǵan jerge áli jetken joqpyz, sebebi órt áli jalǵasýda jáne órt sóndirýshiler jumys istep jatyr», — dedi polıtsııa bólimi qyzmetkeri Abdýl Raıs Han.

Sondaı-aq zaýytta 200-300 jumysshy bolǵan, ishte kóp adam qamalyp qalǵan bolýy ábden múmkin.

15 shaqyrym radıýsta sezilgen jarylys jaqyn mańdaǵy 60 úıdi qıratty. Zaýyttaǵy jarylystarǵa baılanysty sheneýnikter 100-den astam turǵyndy evakýatsııalady.

Іzdestirý-qutqarý jumystary jalǵasýda.