Úndistanda jaǵalaý kúzetiniń tikushaǵy apatqa ushyrap, úsh adam qaza tapty

<p>ASTANA.KAZINFORM - ANI agenttiginiń habarlaýynsha, oqıǵa oqý-jattyǵý ushýy kezindegi tehnıkalyq aqaýlarǵa baılanysty bolǵan.</p>

Úndistannyń jaǵalaý kúzeti qyzmetiniń tikushaǵy oqý-jattyǵý mıssııasy kezinde batystaǵy Gýdjarat shtatynda apatqa ushyrady. Bul oryn Porbandardaǵy Jaǵalaý kúzetiniń jaýapkershilik aımaǵyna jatady.

Aldyn ala málimet boıynsha, apatqa tehnıkalyq aqaýlar sebep bolǵan.

ANI agenttiginiń habarlaýynsha, bortta úsh adam, onyń ishinde eki ushqysh bolǵan. Barlyǵy qaıtys boldy.

Úndistannyń jaǵalaý kúzeti oqıǵanyń mán-jaıyn anyqtap jatyr.

Buǵan deıin Ońtústik Kalıfornııada shaǵyn ushaqtyń qulaýy saldarynan eki adam qaza taýyp, 19 adam jaralanǵany habarlanǵan bolatyn.