Úndistanda úıindi astynda qalǵan jumysshylarǵa qutqarýshylar 14 saǵat ishinde jetýdi josparlap otyr

<p>Úndistanda qutqarýshylar týnnelde qalyp ketken 41 jumysshyǵa jetý úshin beısenbi kúni boıy jumys isteýdi josparlap otyr. Olar túnde jumysqa kedergi keltirgen metaldy alǵannan keıin úıindini toqtamaı burǵylaıdy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.reuters.com/world/india/indian-rescue-effort-41-trapped-tunnel-breaks-through-steel-obstacle-2023-11-23/" target="_blank" rel="noopener">Reuters</a> agenttigine silteme jasap habarlaıdy.&nbsp;</p>

Úıindiniń sońǵy úshten bir bóligi ǵana qalǵandyqtan qutqarýshylar jumysshylarǵa beısenbi tańda jetemiz dep oılaǵan. Sol jerdi burǵylaǵannan keıin týnnelge evakýatsııalyq qubyr ornatylýy tıis edi.

Biraq olar temir kedergige tap bolyp, ony joldan alyp tastaý úshin alty saǵat ýaqyty ketti, dep habarlady týnnel jobasy boıynsha jumys isteıtin Kýlbe.

«Taǵy kútpegen jaǵdaı bolyp qalmasa, 14-15 saǵattan soń jumysshylarǵa jetemiz dep eseptep otyrmyz. Taǵy qandaı qıyndyqtar kezdesetinin boljaý qıyn», - dedi ol.

Sonymen qatar taǵy bir metall nemese tas kedergi bolmasa asa qıyndyq týyndamaýy kerek, sebebi qurylymnyń ózi qatty emes dep atap ótti.

Keshe opyrylyp túsken týnneldiń ishindegi 41 jumysshyǵa jetý úshin qutqarýshylar úıindiniń jartysyna jýyǵyn burǵylaǵany habarlanǵan bolatyn.

12 qarashada Ýttýrakhandada qurylys kezinde opyrylyp túsken týnnelde 41 jumysshy qalyp qoıǵanyn eske sala keteıik. Kóp uzamaı adamdarmen baılanys ornatylyp, sodan beri olarǵa ottegi, tamaq pen sý jetkizip jatyr.

Gımalaı aýmaǵyn burǵylaý qıyn bolǵandyqtan adamdardy qutqarý da kesheýildegen.