Úndistanda sý tasqynynan 18 adam qaza tapty

<p>NЬıÝ-DELI. KAZINFORM &ndash; Úndistannyń soltústik-shyǵysyndaǵy Assam shtatynda jalǵasyp jatqan sý tasqynynan 600 myńnan astam adam zardap shekti. Qaza tapqandar sany 18-ge jetti, dep habarlady seısenbi kúni jergilikti bılik ókilderi.</p>

Sınhýa agenttiginiń habarlaýynsha, sý tasqynynan 10 aýdan - Hodjaı, Karımgandj, Morıgaon, Nagaon, Dıma-Hasao, Kachar, Dıbrýgarh, Haılakandı, Golaghat jáne Batys Karbı-Anglong zardap shekti, ol jerlerde jaǵdaı áli de qıyn.

«Assamda jaǵdaı qıyn, 10 aýdanda 625 318 adam sý tasyǵan ózenderden zardap shekti. Sońǵy 24 saǵatta tórt adam qaza taýyp, qurbandardyń jalpy sany 18-ge jetti», – delingen habarlamada.

Sonymen qatar Kachar aýdanynda tórt adam iz-túzsiz joǵalyp ketken. Sheneýnikterdiń aıtýynsha, qazir 577 aýyl sý astynda qalyp, 6023 gektarǵa jýyq egistik alqap zaqymdanǵan. Assam shtatynyń apatty basqarý basqarmasynyń málimeti boıynsha, jergilikti úkimet zardap shekken aýdandarda 191 kómek kórsetý lageri men 108 baǵyttaý ortalyǵyn ashty.

Bılik sonymen qatar joldardyń zaqymdanýyna baılanysty keıbir poıyzdardyń qatynaýyn toqtatty. Assam jáne Manıpýr shtattarynda «Remal» tsıklony sebep bolǵan qatty jańbyrdan keıin sý tasqyny boldy.