Úndistanda Samsung electronics kompanııasynyń ereýilge shyqqan 100 qyzmetkeri ustaldy

<p>ASTANA. KAZINFORM &ndash; Úndistan polıtsııasy Samsung electronics&raquo; kompanııasy zaýytynyń ereýilge shyqqan 104 qyzmetkerin ustady.</p>

Jergilikti polıtsııanyń habarlaýynsha, ustalǵandar tıisti ruqsatsyz narazylyq sharasyn ótkizýdi josparlaǵan.

Ustalǵandar Tamılnad shtatyndaǵy Chennaı qalasy mańyndaǵy Samsung turmystyq tehnıka zaýytynda ereýilge shyqqan. Jumysshylar jeti kún boıyna jumysqa boıkot jarııalap, Samsung kompanııasynyń Úndistandaǵy jyldyq tabysynyń úshten biri ıaǵnı 12 mlrd dollar bolatyn óndiristi toqtatty. Ótken aptadan beri Samsung qyzmetkerleri jalaqyny kóterý, eńbek jaǵdaıyn jaqsartý jáne eńbek ujymy qoldaıtyn kásipodaqty moıyndaýdy talap etip otyr.

Samsung kásipodaqtardy tanýǵa umtylmaıdy jáne jaǵdaıǵa qatysty túsinikteme bermedi. Alaıda 13 qyrkúıekte ol Chennaı zaýytyndaǵy jumysshylarymen barlyq máseleni tezirek sheshý úshin kelissózder júrgize bastaǵanyn málimdedi.