11:01, 17 Naýryz 2024

Úndistanda parlamenttik saılaý ótedi

ASTANA. KAZINFORM – Úndistandaǵy parlamenttik saılaý 19 sáýir men 1 maýsym aralyǵynda jeti kezeń boıynsha ótedi. Bul týraly eldiń saılaý komıssııasy málimdedi, dep habarlaıdy Sınhýa aqparat agenttigi. 

Foto: pixabay

Saılaý komıssııasynyń basshysy Radjıev Kýmar baspasóz máslıhatynda saılaý kestesin jarııalady.

Onyń aıtýynsha, daýystardy sanaý 4 maýsymda ótedi.

Daýys berýge shamamen 970 mln saılaýshy qatysady dep josparlanǵan. El boıynsha 1 mln-nan astam saılaý ýchaskeleri ashylady.

Aldaǵy saılaýda qazirgi premer-mınıstr jáne Bharatııa djanata partııasynyń jetekshisi (BDP, Úndistan halyq partııasy) qatarynan úshinshi ret premer-mınıstr bolýdy kózdep otyr. Onymen Úndistan ulttyq kongresi partııasy basqaratyn І.N.D.I.A oppozıtsııalyq alıansy (Indian National Developmental Inclusive Alliance – «Úndi ulttyq ınklıýzıvti damý alıansy») básekelesedi.

Parlament Saılaý Saıasat Úndistan Álem jańalyqtary

Zarına Týǵanbaeva

L.N. Gýmılev atyndaǵy Eýrazııa Ulttyq ýnıversıtetiniń túlegi. Eńbek jolyn Aqmola oblysy Tselınograd aýdandyq «Uran», «Prızyv» gazetterinde tilshi bolyp bastaǵan. Kazinform aqparat agenttiginde 2011 jyldan beri qyzmet atqaryp keledi.