Úndistanda nóser jaýyn saldarynan taǵy 31 adam qaza tapty

<p>NЬıÝ-DELI. KAZINFORM &ndash; Úndistannyń soltústiginde jaýǵan nóser jaýyn saldarynan 31 adam qaza tapty. Bul týraly &laquo;<a href="https://timesofindia.indiatimes.com/city/delhi/india-weather-rain-fury-claims-31-lives-in-rajasthan-up-himachal-pradesh-punjab/articleshow/112455863.cms" target="_blank" rel="noopener">The Times of India</a>&raquo; basylymy habarlady.</p>

9-10 tamyzda Úndistannyń soltústik tórt shtatynda - Radjasthan, Hımachal-Pradesh, Ýttar-Pradesh jáne Pendjab shtattarynda qatty jaýyn-shashyn baıqalǵany atap ótildi.

Tolassyz jaýyn 31 adamnyń ómirin qıdy.

Atap aıtqanda, Pendjab shtatynda 12 adamnan turatyn otbasy toıǵa bara jatqanda ózenge batyp ketken. Toǵyz jolaýshy oqıǵa ornynda kóz jumdy.

Sondaı-aq, jeti jas jigit Bharatpýrdaǵy Banganga ózeniniń mańynda jer opyrylyp, sýǵa qulap, qaza tapty.

Taǵy úsh adam jınalǵan jańbyr sýyna batyp ketken.

Qaraýlı aýdanynda kórshi ǵımarattyń bir bóligi qulap, er adam men onyń 10 jasar uly qaıtys bolǵan. Radjasthan, Hımachal-Pradesh, Ýttar-Pradesh jáne Pendjab shtattarynda segiz adam iz-túzsiz joǵalǵan.

Basylymnyń habarlaýynsha, sońǵy aptalardaǵy tolassyz jaýǵan jańbyr Úndistannyń ártúrli aımaqtarynda ǵımarattardyń, joldar men kópirlerdiń qıraýyna, sondaı-aq jappaı sý tasqynyna, kóshkinge ákep soqty.

Aıta keteıik, buǵan deıin Úndistandaǵy kóshkin qurbandarynyń sany 358 adamǵa jetkenin habarlaǵan edik.