Úndistanda qazaqstandyq naýqasqa jynystyq zorlyq jasady degen kúdikpen meıirger qamaýǵa alyndy

<p>ASTANA. KAZINFORM&mdash;Dúısenbi kúni 25 jastaǵy meıirger qazaqstandyq 50 jastaǵy naýqasqa seksýaldyq zorlyq jasady degen kúdikpen qamaýǵa alyndy. Polıtsııanyń habarlaýynsha, jeksenbi kúni Artemis aýrýhanasynda áıel tize býynynyń artroskopııasynan ótken, dep jazady <a href="https://timesofindia.indiatimes.com/city/gurgaon/male-nurse-arrested-for-sexually-assaulting-kazakh-woman/articleshow/111792963.cms" target="_blank" rel="noopener">The Times of India</a>.</p>

Polıtsııanyń málimetinshe, naýqas juma kúni qyzymen birge Úndistanǵa kelgen. Jeksenbi kúni oǵan ota jasalyp, keıin qalpyna keltirý bólmesine aýystyryldy. Jórgegin aýystyryp jatqanda meıirger áıelge orynsyz qol tıgizgen. Alaıda, basynda áıel jaman oı oılamaǵan. Biraq aıyptalýshy sol kúni oǵan birneshe ret seksýaldyq sıpattaǵy zorlyq-zombylyq kórsetken. Aqyry áıel bul týraly qyzyna aıtqan. Qyzy aýrýhana basshylyǵyna aıtyp, polıtsııa shaqyrǵan. Kúdikti dúısenbi kúni qamaýǵa alyndy.

«Aıyptaýlardy eskere otyryp, biz oqıǵaǵa qatysy bar barlyq taraptarǵa ádiletti qaraýǵa jáne shyndyqty anyqtaý úshin jáne ádilettilikti qamtamasyz etý úshin muqııat jáne beıtarap tergeý júrgizilýine barlyq kúsh-jigerimizdi salamyz», - delingen aýrýhana málimdemesinde.