Úndistanda Kazakh tourism-niń alǵashqy sheteldik ókildigi ashyldy
Resmı is-sharaǵa Úndistan týrızminiń basshysy, Indonezııanyń Týrızm jáne kreatıvti ekonomıka mınıstri, PATA Azııa-Tynyq muhıty týrızm qaýymdastyǵynyń basshysy, Máskeý, Belarýs týrıstik departamentteriniń basshylary jáne «Kazakh Tourism «UK» AQ Tóraǵasy Qaırat Sádýaqasov qatysty. Kórme aıasynda Kazakh Tourism kompanııasynyń Úndistan naryǵy boıynsha ókili taǵaıyndaldy. Qaırat Sádýaqasov tıisti sertıfıkatty Salvia Promoters kompanııasynyń basshysy Prashant Chodrıge tabystady. Kompanııa Ortalyq Azııa men Reseı naryqtaryn ilgeriletýge mamandanǵan. Ár jyldary Salvia vızalyq ortalyq jáne ilgeriletý keńsesi retinde bizdiń aımaqtyń birqatar qalasy men elderin tanystyryp keledi.
«Bul – Qazaqstan týrızmin halyqaralyq deńgeıde ilgeriletýdiń jańa qadamy. Biz álemdegi eń perspektıvaly týrıstik naryqtardyń biri sanalatyn Úndistanda óz ókilimiz bolatynyna qýanyshtymyz. Aldaǵy ýaqytta bul tájirıbeni basqa da naryqtarda keńeıtýge nıettimiz», - dedi Qaırat Sádýaqasov.
Eki tarap Qazaqstanǵa Úndistannan týrıstik toptardy tartý, sonymen qatar kóshpeli týrızm naryǵynda Kazakh Tourism múddesin tanystyrý maqsatynda seriktestikti damytý týraly kelisimge keldi.
«Úndistan týrısterine Qazaqstan týrızmin tanystyrý men úshin úlken mártebe. Meniń kóp jyldyq tájirıbem eki el arasyndaǵy týrızmniń damýyna oń áser etedi dep úmittenemin», - dep Prashant Chodrı óz áserimen bólisti.
Taraptardyń alǵashqy birlesken jumysy – SATTE kórmesine qatysý jáne bıylǵy jyldyń birinshi jartyjyldyǵynda úndistandyq trevel jýrnalısterdiń Qazaqstanǵa kelýin uıymdastyrý. Mamandardyń boljamy boıynsha, Úndistannyń kóshpeli týrızm naryǵy 2026 jylǵa qaraı 50 mıllıonnan astam týrıske jetedi. Bul rette, Prashant Chodrı 2026 jylǵa qaraı Qazaqstan jyl saıyn 500 myńǵa deıin úndi týrısterin qabyldaı alatynyn jetkizdi.