Úndistanda eki poıyz soqtyǵysyp, 15 adam qaza tapty

<p>ASTANA. KAZINFORM &ndash; Úndistannyń Batys Bengalııa shtatynda jolaýshylar poıyzy men júk poıyzy soqtyǵysyp, kem degende 15 adam qaza tapty. Bul týraly PTI agenttigi habarlaıdy, dep jazdy <a href="https://tass.ru/proisshestviya/21116375" target="_blank" rel="noopener">TASS</a> aqparat agenttigi.&nbsp;</p>

Agenttik málimetinshe, qaza tapqandar arasynda júrgizýshilerdiń biri bar. Taǵy 60-qa jýyq adam jaraqat aldy. Buǵan deıin 5 adam qaza taýyp, 20-dan astam adam jaraqat alǵany týraly habarlanǵan bolatyn.

Jergilikti polıtsııa ókili Abhıshek Roı tilshilerge «jaǵdaı kúrdeli» ekenin málimdedi.

Poıyzdar jergilikti ýaqyt boıynsha 09:00 shamasynda soqtyǵysty. Málim bolǵandaı, Rangapanı stantsııasynyń mańynda júk poıyzy júrdek poıyzǵa soqtyǵysqan. Oqıǵanyń mán-jaıy anyqtalyp jatyr.

Úndistan premer-mınıstri Narendra Modı qaza bolǵandardyń týystary men jaqyndaryna kóńil aıtyp, zardap shekkenderdiń tezirek saýyǵyp ketýin tiledi.

«Men sheneýniktermen jaǵdaıdy talqyladym. Zardap shekkenderge kómek kórsetý úshin qutqarý jumystary jalǵasady. Temir jol mınıstri Ashvını Vaıshnav apat ornyna bara jatyr», — dedi Modı X áleýmettik jelisindegi (burynǵy Twitter) paraqshasynda.