Úndistanda dinı rásimde 100-den artyq adam qaza tapty

<p>NЬıÝ-DELI. KAZINFORM &ndash; Búgin, 2 shildede Úndistannyń Ýttar-Pradesh shtatynda dinı shara kezinde keptelis saldarynan 100-den asa adam qaza tapty. Bul týraly <a href="https://www.ndtv.com/india-news/27-dead-in-stampede-during-religious-event-in-ups-hathras-6017690#pfrom=home-ndtv_topscroll" target="_blank" rel="noopener">NDTV </a>habarlady.</p>

Qaıǵyly oqıǵa júzdegen adam qatysqan satsang (syıyný rásimi) kezinde bolǵan. Qoǵamdyq densaýlyq saqtaý ortalyǵynan túsirilgen vıdeoda birneshe máıitti avtobýspen alyp bara jatqanyn jáne týystarynyń jylap jatqanyn kórýge bolady.

Málimetterge qaraǵanda, qaza tapqandar arasynda áıelder men balalar da bar. Túrli jaraqat alǵan 15 adam aýrýhanaǵa jetkizilgen. Ýttar-Pradesh shtaty basshysy Iogı Adıtıanath qaramaǵyndaǵylarǵa qaıǵyly jaǵdaıdy baqylaýǵa alýdy buıyrdy. Qazir oqıǵa ornynda dárigerler men polıtseıler jumys istep jatyr.

Densaýlyq saqtaý ortalyǵynyń habarlaýynsha, 50-60 adam qaıtys bolǵan. Keıin okrýk sheneýnikteri taǵy 27 adamnyń qaıtys bolǵanyn rastady.

Keshke bas ınspektor Shalabh Mathýr olardyń sany 116-ǵa deıin óskenin aıtty.

– Úndistan prezıdenti Draýpadı Mýrmý qaza bolǵandardyń otbasylaryna kóńil aıtty, – delingen habarlamada.

Marqumdardyń otbasyna kómek kórsetilip, sharany uıymdastyrýshylarǵa qatysty qylmystyq is qozǵalady.