Úndistanda 40 jumysshy qulaǵan týnnel astynda qalyp qoıdy

<p>Qutqarýshylar Úndistannyń soltústiginde qurylys kezinde qulaǵan avtomobıl týnnelinde úıindi astynda qalǵan 40 jumysshyǵa jete almaı jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://apnews.com/article/india-uttarakhand-tunnel-collapse-d8096d4a88dfc98b9ce04e2fa17f60c9" target="_blank" rel="noopener">AP</a> resýrsyna silteme jasap.&nbsp;&nbsp;</p>

Barlyq qurylysshylar tiri, dep habarlady polıtsııa qyzmetkeri Prashant Kýmar, olar sý jáne ottegimen qamtamasyz etilgen.

Onyń aıtýynsha, qutqarýshylar keptelip qalǵan jumysshylarmen baılanys ornatqan.

Oqıǵa jeksenbi kúni Ýttarakhand shtatynda bolǵan. Bul shtat týrıster arasynda óte tanymal.

Sońǵy jyldary Ýttarakhandta ǵımarattar men joldardyń aýqymdy qurylysy júrgizilip jatyr.

Oqıǵa federaldy úkimettiń túrli zııarat oryndaryn baılanystyrýǵa arnalǵan flagmandyq jobasy – Chardhem tasjolynda bolǵan.

Týnnel qurylysyn qadaǵalaıtyn Navyug qurylys kompanııasynyń joba menedjeri Radjesh Pavar dúısenbi kúni qursaýda qalǵan jumysshylardyń naqty sanyn rastady.

Qutqarý jumystary jeksenbi kúni bastaldy. Qutqarýshylar týnneldiń qulaǵan bóligine qubyr arqyly ottegi aıdady.

Qutqarý toby 15 metr ilgeri ótti, úıindi astynda qalǵandarǵa jetý úshin áli 35 metr bar.

Oqıǵa ornynda túni boıy 150-den astam qutqarýshy jumys istegen.

Burǵylaý tehnıkasy men ekskavatorlar da jumyldyryldy.