Úndistanda 40-tan astam jumysshy segiz táýlik boıy úıindi astynda qalyp qoıdy

<p>Úndistanda qutqarýshylar týnnelde qalyp qoıǵan 41 jumysshyny qutqarýdyń basqa amalyn qarastyryp jatyr. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.bbc.com/news/world-asia-india-67471018" target="_blank" rel="noopener">VVS</a>-ge silteme jasap habarlaıdy.&nbsp;</p>

Juma kúni qutqarý jumystaryn júrgizý kezinde satyr-sutyr dybys estilgende, olar josparyn qaıta qarastyrýyna týra kelgen.

Resmı málimdemede jumysshylar úshin «qutqarý jolyn» ashatyn eki parallel týnnel burǵylaý josparlanǵany aıtyldy.

Jeksenbide oqıǵa ornyna barǵan eldiń Kólik qozǵalysy jáne magıstraldar mınıstri Nıtın Gadkarıdiń habarlaýynsha, qutqarý operatsııalary «eki-úsh kúnge» sozylýy múmkin.

Ol Gımalaıda jumys júrgizý kúrdeli ekenin túsindirip, qazirgi kezde eki burǵylaý qondyrǵysy qoldanylyp otyrǵanyn aıtty. Birinshi qondyrǵy jumsaq topyraqty burǵylap jatyr, biraq tastarǵa tıgen kezde problemaǵa tap bolǵan. Mamandar bul problemany sheshti, dedi ol.

Eske sala ketsek, 12 qarashada 40-qa jýyq jumysshy Ýttýrakhand shtatynda týnnel qurylysyn júrgizý kezinde úıindi astynda qalyp qoıǵan. Kóp uzamaı ishindegi adamdarmen baılanys ornatyldy, olarǵa ottegi, tamaq jáne sý jetkizildi.