Úndistanda 17 kún týnnelde ótkizgen 41 jumysshy qutqaryldy

<p>Úndistan soltústiginde qutqarýshylar Gımalaıda taýlaryndaǵy týnnel astynda qalyp qoıǵan jumysshylardy shyǵaryp aldy. Olar jer astynda 17 kún boldy. <a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://www.bbc.com/russian/articles/ckdpznddzw7o" target="_blank" rel="noopener">VVS-ge</a>&nbsp;silteme jasap habarlaıdy.</p>

Grınvıch boıynsha saǵat 15:30 shamasynda Ýttarakhand shtatynyń úkimeti barlyq 41 jumysshy qutqarylǵanyn málimdedi.

Týnnel 17 kún buryn 4,5 shaqyrym tereńdikte opyrylyp túsken bolatyn.

Bılik ókilderiniń aıtýynsha, jumysshylar týnneldiń ishinde qalyp ketkenimen, úıindi astynda qalmaǵany qýanarlyq jaǵdaı. Uzyndyǵy eki shaqyrymdy, bıiktigi 8,5 metrdi quraıtyn keńistik olardyń ómir súrýine sep bolǵan.

Úıindiniń alǵashqy qabaty burǵylanǵannan keıin-aq adamdarǵa múmkindiginshe, tamaq, sý jáne ottegi jetkizilip turdy.

Qutqarý operatsııasyna júzden astam adam jumyldyryldy. Olardyń mindeti – úıindi arasynan beton qubyrdy ótkizý.

Qutqarýshylar sońǵy bes metrdi burǵylap bolǵannan keıin 57 metrlik qubyr arqyly jumysshylardy jer betine shyǵara bastady.

Dúısenbi kúni qutqarý operatsııasyna Úndistanda «egeýquıryq-shahterler» dep atalatyn arnaıy bólimshe qosyldy. Osy jasaqtyń tásili, negizinen kómir shahtalarynda paıdalanylady jáne óte tar keńistiktegi jumysqa arnalǵan.

Sılkıara týnneli – quny 1,5 mlrd dollar, uzyndyǵy 890 shaqyrymdy quraıtyn joldyń qurylysy boıynsha «Char Dham» jobasynyń bir bóligi. Týnnel ındýısterdiń mańyzdy ǵıbadat oryndaryn baılanystyrady. Jobanyń kúrdeliligi – onyń Gımalaı taýlarymen – álemdegi eń bıik ári seısmıkalyq belsendi taýly aýmaqpen ótýinde.

12 qarashada opyrylyp túsken týnnelde 41 jumysshy qalyp qoıǵanyn eske sala keteıik.