Úndistan Qytaımen shekarasyna on myń ásker jiberdi

<p>ASTANA. Kazinform &ndash; Úndistan Qytaımen aradaǵy shekarany kúzetý úshin qosymsha 10 000 ásker jiberip, aımaqtaǵy ásker sanyn eki esege arttyrdy. Bul týraly <a href="https://www.bloomberg.com/news/articles/2024-03-07/india-frees-10-000-more-soldiers-to-guard-border-with-china" target="_blank" rel="noopener">Bloomberg</a> agenttigi úndilik sheneýnikterge silteme jasap habarlady.</p>

Aıtýlarynsha, buǵan deıin eldiń batys shekarasynda qyzmet etken 10 myń sarbaz qazir Qytaımen aradaǵy daýly shekaranyń bir bóligin nyǵaıtýǵa jumyldyrylǵan.

Sonymen qatar, Úndistannyń Qytaımen shekarasynda ornalasqan toǵyz myń sarbazdan turatyn kontıngent jańadan qurylǵan jaýyngerlik qolbasshylyqqa beriledi. Shekaranyń 532 shaqyrymdyq bóligin qarýly kúshterdiń eki bólimshesi kúzetedi.

Úndistannyń qarýly kúshteri men eldiń qorǵanys mınıstrliginiń ókilderi jaǵdaıǵa qatysty pikir bildirgen joq.

Anyqtama úshin, Úndistan men Qytaıdyń Gımalaıdaǵy daýly shekaralyq aımaǵy bar. 2022 jyldyń jeltoqsanynda Úndistan áskeri men Qytaı armııasy arasynda shekaralyq qaqtyǵys bolǵan.