Úndistan qara qurdymdy zertteý úshin ǵaryshqa spýtnık ushyrdy

<p>Úndistannyń ǵaryshtyq zertteýler uıymy XPoSat spýtnıgin orbıtaǵa shyǵarǵan PSLV-C58 zymyrantasyǵyshyn ǵaryshqa sátti ushyrdy. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://tass.ru/kosmos/19662289" target="_blank" rel="noopener">TASS</a> aqparat agenttigine silteme jasap habarlaıdy.&nbsp;</p>

Uıymnyń saıtynda habarlanǵandaı, zymyran Satısh Dhavan atyndaǵy Ǵarysh ortalyǵy ornalasqan Bengal shyǵanaǵyndaǵy Shrıharıkota aralyndaǵy ǵarysh aılaǵynan ushyryldy.

XPoSat spýtnıginiń mindeti — qara qurdymdy zertteý.

Vedomstvonyń málimetinshe, bul qurylǵy — aspan kózderinen rentgendik sáýlelenýdi ǵaryshtyq ólsheý salasynda zertteý júrgizýge arnalǵan alǵashqy mamandandyrylǵan ǵylymı apparat.

Spýtnık eki paıdaly júkti tasymaldaıdy: POLIX (astronomııalyq baqylaý júrgizý úshin rentgendik polıarımetr) jáne XSPECT (rentgen spektroskopııa jáne hronometrleý).

Úndistan ǵarysh agenttiginiń atap ótýinshe, XPoSAT ushyrýdyń arqasynda Úndistan AQSh-tan keıin qara qurdym men neıtron juldyzdaryn zertteıtin stantsııasy bar ekinshi el boldy.

Zymyrantasyǵyshqa ornatylǵan jabdyq taǵy 10 ǵylymı tájirıbe jasaýǵa múmkindik beredi.