Úndistannyń qundy qaǵazdar naryǵyn retteýshisi Astana Finance Days-ge shaqyryldy

NUR-SULTAN. QazAqparat - Osy jyldyń 22 naýryzynda Qazaqstannyń Úndistandaǵy Elshisi Bolat Sársenbaev atalǵan eldiń Qundy qaǵazdar jáne bırja jónindegi keńesiniń (SEBI) basshylyǵymen eki eldiń qarjy salasyndaǵy yntymaqtastyǵyn damytý keleshegin talqylady, dep habarlaıdy QazAqparat tilshisi.

SEBI birinshi basshysy S.Mohantamen jáne SEBI bas dırektory A.Mıtvanımen kezdesýler barysynda 2018 jyldyń naýryzynda «Astana» halyqaralyq qarjy ortalyǵynyń Úndistannyń qundy qaǵazdaryn naryǵyn retteýshimen qol jetkizgen ýaǵdalastyǵy jan-jaqty talqyǵa tústi.

Úndistan tarapy «Astana» halyqaralyq qarjy ortalyǵymen birqatar joba boıynsha ózara is-qımylǵa joǵary qyzyǵýshylyq tanytyp otyrǵandyqtaryn atap ótti. Sonymen qatar Yntymaqtastyq týraly kelisim jobasy qazirgi ýaqytta Úndistan Qarjy mınıstrliginiń kelisim rásimine berilgendigin habarlady. Degenmen, SEBI basshylyǵy atalǵan qujatqa qol qoıylǵanǵa deıin de «Astana» halyqaralyq qarjy ortalyǵymen yntymaqtastyqta jumys isteýge jáne onyń qyzmetiniń túrli baǵyttaryna járdem kórsetýge daıyn ekendigindigin málimdedi.

Qazaqstandyq dıplomat SEBI basshylyǵyn 2019 jyldyń shildesinde Qazaqstan astanasynda ótetin Astana Finance Days forýmyna qatysýǵa jáne úndistandyq delegatsııasynyń sapary aıasynda yntymaqtastyqty odan ary tereńdetý boıynsha kelissózder júrgizýge shaqyrdy.

Avtor:Sadyq Ákıjanov