Úndistannan kelgen adamdar 14 kúnge úı karantınine jatýy tıis – Alekseı Tsoı

NUR-SULTAN. QazAqparat – Úndistannan kelgen adamdar 14 kúnge úı karantınine jatýy tıis. Bul týraly búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Táýligine 400 myńǵa deıin jaǵdaı tirkelip jatqan, koronavırýs ınfektsııasyna baılanysty epıdemıologııalyq ahýal nasharlaǵan Úndistanda aýmaǵynda taralǵan shtamnyń tasymaldanýyna jol bermeý úshin qosymsha is-sharalar qabyldandy. Atap aıtqanda, Qazaqstan Respýblıkasyna keletin (onyń ishinde úshinshi elder arqyly) tulǵalar jáne sońǵy 14 kúnde Úndistanǵa barǵan adamdar PTR ádisimen COVID-19-ǵa alynǵan anyqtamasynyń bolǵandyǵyna jáne koronavırýsqa qarsy vaktsına saldyrǵanyna qaramastan 14 kúnge úı karantınine oqshaýlanýy tıis», - dedi Alekseı Tsoı.