Úndistandyq jup telefon alý úshin sábıin satqan

NЬıÝ-DELI. QazAqparat – Eldi dúrliktirgen oqıǵa Úndistannyń shyǵysyndaǵy Batys Bengalııa shtatynda bolǵan. Erli-zaıyptylar iPhone 14 satyp alý úshin balasyn satyp jibergen, dep habarlaıdy QazAqparat Times of India basylymyna silteme jasap.

Olarǵa sońǵy úlgidegi gadjet Instagram jelisine arnalǵan rolıkter túsirý úshin qajet bolǵan.

Gosh otbasyndaǵy oǵash ózgeristi kórshileri baıqaǵan. Olardyń segiz aılyq sábıi joǵalyp ketedi, alaıda ata-anasynda eshqandaı alańdaýshylyq bolmaıdy. Sonymen qatar, olardyń mıllıonnan kem turmaıtyn qymbat telefon satyp alýy kórshilerdiń kúdigin týǵyzady.

Qysymǵa ushyraǵan áıel kúıeýi ekeýi iPhone satyp alý úshin balasyn satqanyn moıyndaıdy. Bul olarǵa Bengalııany aralap, saparlarynan rolıkter túsirip, áleýmettik jelige júkteýge múmkindik bergen.

Budan da soraqysy, balanyń ákesi segiz aılyq sábıin satpas buryn, jeti jasar qyzyn saýdalamaq bolǵan.

Jergilikti polıtsııa Satı esimdi áıeldi ustady, biraq onyń kúıeýi Djaıdev Gosh qashyp úlgergen. Ol áli izdestirilip jatyr. Polıtsııa erli-zaıyptylardyń ústinen qylmystyq is qozǵady, balany satyp alǵan áıel de adam saýdasy úshin qylmystyq jaýapkershilikke tartylady.

Ókinishke qaraı, Úndistanda materıaldyq paıda úshin balalaryn satýǵa barǵan juptar buǵan deıin de boldy. Aıta ketsek, 2016 jyly qytaılyq erli-zaıyptylar iPhone satyp alý úshin 18 kúndik qyzyn 3 530 dollarǵa satyp jibergen.