Úndistandyq baıqaýshylar Qazaqstannyń saılaý júıesine qyzyǵýshylyq tanytty
«Men qazir ǵana sizderdiń saılaý júıelerińizben tanystym. Qazaqstandaǵy saılaý protsesi óte qyzyqty. Onyń Úndistannyń saılaý júıesinen aıtarlyqtaı aıyrmashylyǵy bar. Qazaqstanda qaǵaz nusqada, al bizde elektrondy túrde daýys beriledi. Men munyń barlyǵyn kórip, oı eleginen ótkizgim keledi», - dedi S.Sıngh.
Sonymen qatar ol elordadaǵy birqatar saılaý ýchaskesinde bolyp, daýys berý barysyn baıqaıtyndyǵyn atap ótti.
«Men úshin múmkindigi shekteýli adamdardyń daýys berý úshin qandaı múmkinshilikter jasalatyndyǵy qyzyqty. Qazaqstanda múmkindigi shekteýli adamdardyń daýys berýine 2 túrli jaǵdaı jasalǵan eken. Biri olardy bireýler ertip ákeledi nemese úılerinde otyryp daýys beredi. Al Úndistanda mundaı múmkinshilik joq. Sondyqtan sizderden yntymaqtastyqty jolǵa qoıyp, saılaý protsesi salasynda birlesken zertteý júrgizgimiz keledi», - dedi ol.