Úndistandaǵy ahýal: COVID-19-dan kóz jumǵandar sany 400 myńǵa jetti

NЬıÝ DELI. Kyodo-QazAqparat – Juma kúni Úndistan jańa koronavırýs ınfektsııasynan qaıtys bolǵandardyń sany 400 000-ǵa jetkeni týraly málimdedi, olardyń jartysy sońǵy eki aıda tirkelgen, dep habarlaıdy QazAqparat Kyodo agenttigine silteme jasap.

Densaýlyq saqtaý mınıstrliginiń dereginshe, sońǵy táýlikte koronavırýstan 453 adam qaıtys bolǵan, osylaısha pandemııanyń basynan beri ólim sany 400 312-ge jetti.

Djons Hopkıns Ýnıverıstetiniń deregine saı, Úndistan qazirgi kezde ólim sany boıynsha AQSh pen Brazılııadan keıin úshinshi orynda tur.

Sońǵy táýlikte elde 46 617 adam koronavırýs juqtyrǵan, jalpy sany – 30 458 251.

Mamyrda Úndistanda álem boıynsha 400 000-nan asatyn bir táýlikte eń kóp juqtyrý oqıǵasy tirkelgen, maýsymnyń ekinshi jartysynda juqtyrý sany azaıa bastady – kúnine 50 000-nan az oqıǵa tirkelip otyrdy.

El úkimeti Delta Plus nusqasynyń paıda bolýyn eskere otyryp, jaqyn aılarda ınfektsııanyń úshinshi tolqynyna daıyndyqty kúsheıtti.

Densaýlyq saqtaý mınıstrliginiń dereginshe, vaktsınalaý baǵdarlamasynyń basynan beri 340 mıllıon doza ekpe salynǵan.