Úndistanda jańbyrly maýsym bastalǵaly 770 adam qaza tapty

ASTANA. QazAqparat - Úndistanda jańbyrly maýsym bastalǵaly 770 adam opat boldy. Taǵy 30-dan astam adam ushty-kúıli joǵalyp ketken, dep habarlaıdy QazAqparat 24.kz silteme jasap.

35 myńnan asa turǵyn qaýipsiz jerge kóshirildi. Eldiń Іshki ister mınıstrligi osylaı dep málimdedi. Derekterge qaraǵanda, tabıǵat apatynan Kerala, Ýttar-Pradesh, Batys Bengalııa jáne Maharashtra shtaty kóp zardap shekken. Bul óńirlerde nóser men sý tasqynynan júzden astam turǵyn kóz jumdy.

Egistik alqaptary búlinip, el ekonomıkasy shash-etekten shyǵyn kórdi. Qazir apat aımaqtarynda izdestirý-qutqarý jumystary júrip jatyr. Oǵan Tótenshe jaǵdaı qyzmeti men birge jaıaý jáne teńiz áskerı kúshteri de jumyldyrylǵan. Aıta keteıik, Úndistanda jazdyń alǵashqy aıynan jańbyrly maýsym bastalyp, qyrkúıekke deıin sozylady. Osy kezeńde júzdegen adam tabıǵat apatynan mert bolyp, el ekonomıkasyna orasan shyǵyn keledi.