Úndistanda vaktsına jetpeı jatyr

NUR-SULTAN. QazAqparat - Úndistannyń Densaýlyq saqtaý mınıstrliginiń habarlaýynsha, sońǵy táýlikte elde 401 993 jańa ınfektsııa anyqtaldy. Elde koronavırýstan kóz jumǵandar sany sońǵy 24 saǵat ishinde 3,5 myńǵa artyp, 211,8 myń adamǵa jetti, dep habarlaıdy QazAqparat BBC-ge silteme jasap.

Úndistanda on kún qatarynan táýlik saıyn 300 myńnan astam jaǵdaı tirkelýde.

Búginge deıin Úndistanda tek dárigerler men 45 jastan asqan adamdar ǵana koronavırýs vaktsınasyn alyp keldi. 1 mamyrdan bastap elde 18-45 jas aralyǵyndaǵy halyqty vaktsınalaý bastalýy kerek, biraq birqatar shtattar bıligi vaktsınany jetkiliksiz dep eskertti.

Delıdiń bas mınıstri Arvınd Kedjrıval adamdardan vaktsınaǵa kezekte turmaýlaryn surady, óıtkeni Úndistan astanasy áli qajetti dári-dármekterdi alǵan joq.

«Aldaǵy birneshe kúnde vaktsına ortalyqtaryna kelmeýlerińizdi suraımyz. Búkil elde kóptegen adamdar vaktsınaǵa jazyldy, biraq biz vaktsına alǵan joqpyz. Biz kompanııalarmen únemi baılanysta bolamyz jáne dári-dármekterdi bir-eki kúnde alamyz dep úmittenemiz», - dedi ol.

Eske salsaq, Úndistan koronavırýs juqtyrǵandar sany boıynsha álemdik rekord ornatyp, eldegi jaǵdaı qıyndady. Birqatar el Úndistanmen áýe qatynasyn toqtaty. Sondaı-aq, Aýstralııa azamattaryna Úndistanǵa barýǵa tyıym salyp, eger barsa 5 jylǵa deıin sottalýy múmkin ekendigin eskertti.