Úndistanda nóser saldarynan temirjol kópiri qırady

NUR-SULTAN. QazAqparat – Úndistannyń Kangra qalasynda temirjol kópiri qulap, saldarynan 22 adam qaza tapty jáne beseýi iz-túzsiz joǵaldy, dep habarlaıdy QazAqparat «Habar 24» saıtyna silteme jasap.

Aldyn ala málimet boıynsha, qaıǵyly oqıǵa tolassyz jaýǵan nóser saldarynan bolǵan. Kópirdiń buzylýynan bólek, myńdaǵan úı sý astynda qaldy. Bılik zardap shekkender úshin ýaqytsha lagerler uıymdastyryp jatyr. Hımachal-Pradesh shtatynda laı kóshkini týraly eskertý jarııalandy. Sınoptıkter boljamynsha, jańbyr taǵy bir aptaǵa sozylady.

Al Euronews saıtynyń jazýynsha, maýsymdyq jaýyn-shashynnan Azııa men Afrıkanyń kóptegen elderinde ondaǵan adam ajal qushty.

Máselen, Aýǵanstannyń shyǵysyndaǵy Logar provıntsııasynda kem degende 9 adam mert bolǵan. Ótken aptada eldiń soltústiginde kenetten bolǵan sý tasqynynan 30-dan astam adam qaza taýyp, ondaǵany iz-túzsiz joǵalǵan.

Kórshi Pákistanda mýsson saldarynan 36 adam qaza bolyp, myńdaǵan turǵyn evakýatsııalandy.

Sońǵy úsh kúnde Úndistannyń soltústigi men shyǵysynda sý tasqyny men laı kóshkininen kóz jumǵandar sany 40-tan asty.

Vıdeodan alyn ǵ an kadr