Úndistanda maımyl shesheginen alǵash ret bir adam kóz jumdy

NUR-SULTAN. QazAqparat – Úndistandaǵy Keral shtatynda maımyl sheshegine aýrýyna tapsyrǵan testi oń nátıje kórsetken naýqastyń ólimi alǵash ret tirkeldi, dep habarlaıdy QazAqparat Indian Express-ke silteme jasap.

Úndistan densaýlyq saqtaý mınıstri Vına Djordj 22 jastaǵy er adam 30 shildede Trıssýr qalasynda kóz jumǵanyn jáne jigittiń 22 shildede Birikken Arab Ámirlikterinen kelgenin habarlady.

26 shildede ol dene qyzýy kóterilgennen keıin Trıssýrdaǵy aýrýhanaǵa barǵan. Keıin ony jekemenshik aýrýhanaǵa aýystyrǵan. Densaýlyq saqtaý mınıstri er adamǵa shetelde bolǵan kezde maımyl sheshegi dıagnozy qoıylǵanyn aıtty, biraq onyń otbasy bul týraly aýrýhanaǵa naýqas qaıtys bolǵan kúni habarlady. Patsıent kóz jumǵannan keıin onyń barlyq baılanysta bolǵan adamdary baqylaýǵa alyndy.

Naýqasta buryn qandaı qandaı sozylmaly aýrýlar bolǵany ázirge belgisiz. Oqıǵanyń mán-jaıy tekserilip jatyr. Qazirgi ýaqytta Úndistanda maımyl shesheginiń tórt jaǵdaıy rastaldy, úsheýi Keralda jáne bireýi Delıde. Aqparat agenttigi buǵan deıin Eýropada maımyl shesheginen bolǵan eki ólim jaǵdaıy ekeýi týraly habarlaǵan bolatyn.

Foto: media.canal3.md