Úndistanda qus tumaýy saldarynan 25 myńnan astam qus soıylady

NЬıÝ-DELI. QazAqparat - Úndistannyń batysyndaǵy Maharashtra shtatynda joǵary patogendi H5N1 qus tumaýy vırýsynyń órshýi tirkeldi, dep habarlaıdy QazAqparat NDTV telearnasyna silteme jasap.

Jaqyn kúnderi Shahapýr aımaǵyndaǵy fermada ınfektsııanyń taralýyn toqtatý úshin 25 myńnan astam qus joıylmaq.

«Jaqynda Shahapýrdaǵy Vehlolı aýylyndaǵy qus fabrıkasynda 100-ge jýyq qus óldi. Úlgileri zertteý úshin Pýnadaǵy zerthanaǵa jiberildi, olardyń H5N1 qus tumaýynan ólgeni rastaldy», - dep habarlady telearna jergilikti bılik ókilderine silteme jasap. «Aldaǵy eki kúnde fermadan bir shaqyrym radıýsta ornalasqan qus fabrıkalarynda 25 myńǵa jýyq qus joıylady».

Bul Úndistanda bıylǵy qus tumaýynyń alǵashqy órshýi emes. Bıhar shtatynyń bıligi beısenbide H5N1 vırýsy saldarynan Patna mańyndaǵy fermada 4000-ǵa jýyq qustyń 787-si ólgendigin, al qalǵan qustardyń barlyǵy soıylǵanyn habarlady.