Úndistanda kóshkinnen 16 adam mert bolyp, 100-den astamy úıindi astynda qaldy

MÝMBAI. QazAqparat – Juma kúni Úndistanda qutqarýshylar eldiń batysynda 16 adam qaza taýyp, 100-den astamy úıindiler astynda qalǵan iri kóshkinnen aman qalǵandardy izdeýdi qaıta bastady, dep habarlaıdy QazAqparat Reuters-ke silteme jasap.

Іzdeý-qutqarý jumystaryna qalyń tuman men nóser jaýyn kedergi keltirip jatyr.

Kóshkin tún ortasynda Mýmbaıdan shamamen 60 shaqyrym jerde, Maharashtra shtatyndaǵy shalǵaıdaǵy Irshalvadı kentinde júrdi.

Birneshe úı balshyq astynda qaldy.

Qutqarýshylar beısenbide qarańǵy túskenge deıin úıindi astynan 16 máıitti alyp shyqty.

Kentte kem degende 225 adam turǵan, olardyń 80-nen astamy qashyp úlgerdi. BAQ habarlaýynsha, 100-den astam adam úıindiler astynda qaldy.

Sońǵy kúnderi bolǵan aptap ystyq, dala órti, qatty jańbyr men sý tasqyny búkil álemdi dúr silkindirip, klımattyń ózgerý qarqyny týraly taǵy alańdaýshylyq týǵyzdy.

Keı jerlerde kóshkin massalarynyń bıiktigi 10-nan 29 fýtqa deıin jetedi.

Eki jyl buryn kórshi kenttegi kóshkin 80-nen astam adamnyń ómirin qıdy.

Úndistannyń meteorologııalyq departamentiniń málimetinshe, elde jańbyr maýsymy bastalǵaly tabıǵı apat saldarynan 100-den astam adam kóz jumǵan.

Meteorologtardyń aıtýynsha, keıbir aýdandarda sońǵy 24 saǵat ishinde 400 mm-ge deıin jańbyr jaýǵan.dyǵyna baılanysty Gýdjarat shtatynda mektepter jabylyp, joldardy sý basty.

Osy aptada úzdiksiz jańbyrdan ıAmýna ózeni arnasynan shyǵyp, 45 jylda alǵash ret Táj-Mahal qabyrǵalaryna jetip, birneshe tarıhı eskertkish pen baqtardy sý basty.