Úndistanda Qazaqstannyń ınvestıtsııalyq áleýeti tanystyryldy

BEIJІŃ-DELI. QazAqparat - Qazaqstannyń Úndistandaǵy Elshiligi Delıde ótken India's role in the Contemporary Global Economy semınarynda QR ınvestıtsııalyq áleýetin tanystyrdy, dep habarlaıdy «QazAqparat» HAA Qytaıdaǵy menshikti tilshisi.

Sharany Úndistannyń 7 myńǵa jýyq kompanııalary men uıymdaryn biriktiretin Indian Achievers Forum shaǵyn jáne orta bıznes qoǵamdyq uıymy uıymdastyrǵan. Oǵan úndistandyq iskerlik ortanyń 200-den astam ókili, Úndistan parlamentiniń tómengi palatasynyń depýtaty Lakshmı Naraııan ıAdav jáne Úndistan ortalyq úkimetiniń jekelendirilgen jáne jergilikti ózin-ózi basqarý mınıstriniń orynbasary Sandjıv Patdjoshı qatysty.

Semınar sońynda, Úndistannyń ekonomıka, densaýlyq saqtaý jáne ǵylym salalaryna úles qosqan tulǵalardy jyl saıynǵy marapattaý rásiminde  Qazaqstan Respýblıkasynyń Úndistandaǵy Tótenshe jáne Ókiletti Elshisi Bolat Sársenbaev qazaqstandyq-úndistandyq qatynastardyń damýyna qosqan úlesi úshin Indian Achievers Award 2017 marapatyna ıe boldy.