Úndistanda Qazaqstannyń 76 azamaty qalyp qoıdy

NUR-SULTAN. QazAqparat – Qazaqstan Úndistanda qalyp qoıǵan 76 azamatty qaıtarý máselesin qarastyryp jatyr. Bul týraly QR Aqparat jáne qoǵamdyq damý mınıstri Dáýren Abaev aıtyp berdi, dep habarlaıdy QazAqparat.

«Úndistanda qalyp qoıǵan 76 qazaqstandyqty qaıtarý múmkin be?» degen suraq tústi. Belgili bolǵandaı, Úndistan 15 sáýirge deıin barlyq shekarasyn jaýyp, áýe, jerústi jáne sýdaǵy kólikterdiń tasymalyna tyıym saldy. Sondyqtan, olardy qaıtarý joldary men datasy qarastyrylyp jatyr», - dedi mınıstr «Habar 24» telearnasynyń tikeleı efırinde.

Aıta keteıik, koronavırýs ınfektsııasymen Nur-Sultan qalasy boıynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.

Buǵan deıin Dáýren Abaev karantın rejımi kúsheıtilgen kezdegi kóshede júrý talaptaryn túsindirgen edi.

Sondaı-aq, koronavırýstan qaıtys bolǵandardy jerleý týraly bas sanıtarlyq dárigerdiń qaýlysy shyǵady.