Úndistanda ǵımarat opyrylyp, eki adam qaza taýyp, beseýi jaraqat aldy
21:16, 03 Qyrkúıek 2023
JAŃA DELI. Sınhýa - QazAqparat - Úndistannyń batysyndaǵy Maharashtra shtatynda jeksenbi kúni tańerteń eki qabatty ǵımarat opyrylyp, eki adam qaza taýyp, taǵy bes adam jaraqat aldy. Bul týraly jergilikti bılik málimdedi, dep habarlaıdy QazAqparat Sınhýa agenttigine silteme jasap.
Ǵımarat Maharashtra astanasy Mýmbaıdan soltústik-shyǵysqa qaraı 37 shaqyrym jerde Tananyń Bhıvandı aýdanynda qulady.
«Búgin tańerteń bul jerde ǵımarat qulap, saldarynan jeti adam úıindiler astynda qaldy. Qutqarýshylar jumysqa kirisip, úıindi astynan áıel men sábıdiń máıitin shyǵardy. Taǵy bes adam qutqarylyp, dereý aýrýhanaǵa jatqyzyldy», - dedi resmı ókil.
Qutqarý operatsııasy birneshe saǵatqa sozyldy.