Úndistanda COVID-19-dan qaıtys bolǵandardyń táýliktik kórsetkishi boıynsha antırekord tirkeldi

NЬıÝ-DELI. QazAqparat – Úndistan dárigerleri sońǵy 24 saǵatta 401 078 jańa juqtyrý oqıǵasyn tirkedi, eldegi epıdemııa kezinde koronavırýs juqtyrǵandardyń jalpy sany – 21 892 676, dep habarlaıdy QazAqparat.

Senbi kúni Úndistannyń densaýlyq saqtaý jáne otbasy ál-aýqaty mınıstrligi óz saıtynda habarlaǵandaı, bir táýlikte qaıtys bolǵandar sany 4 187-ge kóbeıip, 238 270-ǵa jetti.

Koronavırýs ınfektsııasymen baılanysty ólim sany Úndistanda birinshi ret 24 saǵat ishinde 4 myńnan asty. Ólim boıynsha aldyńǵy antırekord 6 mamyrda tirkelip, 3 980 bolǵan.

Sońǵy táýlikte Úndistanda tórtinshi ret táýligine 400 myń juqtyrý oqıǵasy tirkeldi. 22 sáýirden bastap elde táýligine 300 myńnan astam adamnan koronavırýs juqtyrý oqıǵasy anyqtalýda.