Úndistanda ál-Farabıdiń 1150 jyldyǵyna arnalǵan is-sharalar bastaldy

NЬıÝ-DELI. QazAqparat - Úndistanda ál-Farabıdiń 1150 jyldyǵyna arnalǵan is-sharalar bastaý aldy. Ál-Farabı atyndaǵy QazUÝ Úndistandaǵy Qazaqstan Respýblıkasynyń Elshiligi jáne Djavaharlal Nerý atyndaǵy ýnıversıtettiń qoldaýymen Nıý-Delı qalasynda Ábý Nasr ál-Farabıdiń 1150-jyldyq mereıtoıyna arnalǵan dóńgelek ústel ótkizdi, dep habarlaıdy QazAqparat.

Іs sharaǵa QR Úndistandaǵy Elshisi Erlan Álimbaev, QazUÝ jáne Delı ýnıversıtetteriniń ǵalymdary, Ortalyq Azııa elderiniń dıplomatııalyq mıssııalary men ǵylymı qaýymdastyq ókilderi qatysty.

Kezdesýdi ashqan Qazaqstannyń Úndistandaǵy Elshisi Erlan Álimbaev ál-Farabıdiń mereıtoıy ıÝNESKO-nyń ataýly kúnderi men oqıǵalar kúntizbesine engizilgenin jáne ony merekeleý adamzattyń «ekinshi ustazynyń» dúnıejúzilik murasyn zertteýge jáne zerdeleýge qýatty serpin beretinin atap ótti. Búginde Uly dala oıshylynyń esimi ár eldiń, sonyń ishinde Úndistannyń ǵalymdaryn da asa qyzyqtyrýda. Mundaı is-sharalardy joǵary halyqaralyq deńgeıde ótkizý ál-Farabıdiń shyǵarmashylyq murasy men qazaq tarıhyn dáripteýge yqpal etedi.

«Jýyrda QazUÝ Delıde Ál-Farabı murajaı-úıin ashty, ol ǵalymdar men jurtshylyqty tartatyn erekshe orynǵa aınaldy. Aıta keterlik jaıt, Ál-Farabıdiń mereıtoıy álemdik deńgeıde atap ótkiziýde jáne QazUÝ túrli alańdarda IYU, ISESKO, TÚRKSOI jáne basqa da halyqaralyq uıymdardyń qoldaýymen is-sharalar ótkizýde», – dep atap ótti QazUÝ prorektory Mehmet Arslan.

Dóńgelek ústel barysynda QazUÝ delegatsııasy ál-Farabıdiń ómiri men eńbekteri, onyń qazirgi kezdegi murasynyń mańyzdylyǵy týraly ǵylymı baıandamalar men prezentatsııalar jasady. Sonymen qatar oıshyldyń ıdeıalary negizinde ázirlengen «Ýnıversıtet 4.0» jańa býyn ýnıversıtetiniń rýhanı-adamgershilik jáne ǵylymı-tehnologııalyq platformasyn qamtıtyn modeli usynyldy.

Іs-sharada sóz alǵan Úndistannyń akademııalyq toptarynyń ókilderi, ǵylymı ortalyqtar men ınstıtýttardyń basshylary Ábý Nasyr ál-Farabı murasynyń mańyzdylyǵyna erekshe toqtalyp, osyndaı ataýly sharalardyń eki dostas elderdiń mádenıetin jaqyndastyrýdaǵy mańyzdylyǵyn atap ótti.

Úndistanǵa sapar barysynda qazaqstandyq jetekshi joǵary oqý ornynyń delegatsııasy Amıtı ýnıversıtetinde (Noıda q.) 100-den astam el ókilderiniń basyn qosqan «INBUSH ERA-2020» búkilálemdik sammıtiniń jumysyna qatysty. Sammıt aıasynda yntymaqtastyq týraly memorandýmǵa qol qoıylyp, Amıtı ýnıversıtetinde ál-Farabı ortalyǵyn jáne atalmysh úndi joǵary oqý ornynyń QazUÝ-da ókildigin qurý týraly kelisimge qol jetkizildi.