Úndistan stýdentteri Qazaqstanda bilim alýǵa yntyzar

ASTANA. QazAqparat - Búginde Qazaqstanda 13 myńa jýyq sheteldik stýdent bilim alyp jatyr. Bul týraly búgin baspasóz máslıhatynda «Halyqaralyq baǵdarlamalar ortalyǵy» AQ prezıdenti Janbolat Meldeshev málim etti, dep habarlaıdy QazAqparat.

«Búginde bizde 4 ókildik bar, ıaǵnı olar Reseıdi, AQSh-ty, Germanııany, Qytaıdy qamtyp otyr. Qazirgi kezde  Úndistanda jáne Ózbekstanda ókildik ashý týraly tıisti tapsyrma bar. Budan buryn biz tek «Bolashaq» baǵlarlamasy aıasynda ǵana jumys isteıtinbiz, endi ókildik kómegimen shetel stýdentterin Qazaqstanǵa tartýmen aınalysamyz. Búginde elimizde 12 880 sheteldik stýdent bilim alyp jatyr. Biz bul kórsetkishti 50 myńǵa deıin jetkizýdi kózdep otyrmyz»,-dedi ol.

Onyń sózine qaraǵanda, sheteldik stýdentter sany boıynsha jaqsy kórsetkish Qaraǵandy men Almatydaǵy medıtsınalyq oqý oryndarynda baıqalyp otyr. Bul JOO-larda birneshe myń Úndistan azamaty bilim alýda. M.H. Dýlatı atyndaǵy Taraz memlekettik ýnıversıtetinde 800 túrikmen oqyp júr.

Budanburyn habarlanǵandaı , Janbolat Meldeshev «Bolashaq» stıpendııasyna qujattar qabyldaý merzimi uzartylǵanyn málim etti.