Úndistan men Japonııada maımyl sheshegi tirkeldi

NUR-SULTAN. QazAqparat - Nıý-Delı bıligi Úndistan astanasynda maımyl sheshegin juqtyrǵan alǵashqy naýqastyń anyqtalǵanyn málim etti. Tıisti málimdemeni Delı ulttyq astanalyq okrýginiń bas mınıstri jasady, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

«Batys Delıdiń 31 jastaǵy turǵyny úsh kún buryn aýrýdyń belgilerimen aýrýhanaǵa tústi, senbide onyń úlgileri Ulttyq vırýsologııa ınstıtýtyna jiberildi, jeksenbide dıagnoz rastaldy. Úndi aýrýhanalarynyń birinde (Nayak Jai Prakash Narayan Hospital) osy aýrýdy emdeý úshin arnaıy ızolıator uıymdastyryldy», - delingen VAK-tyń telegram kanalyndaǵy habarlamasynda.

Sondaı-aq, Japonııa astanasynda da maımyl sheshegi tirkeldi. Kyodo agenttiginiń habarlaýynsha, ınfektsııa Eýropadan oralǵan 30 jastaǵy er adamnan anyqtalǵan. Tokıo ákimshiliginiń málimeti boıynsha naýqas 15 shildede ózin jaısyz sezingen. Dene qyzýy kóterilip, bórtpeler shyǵyp, basy aýyrǵan. Qazir naýqas aýrýhanada jatyr.

Aıta ketsek, 23 shildede Dúnıejúzilik densaýlyq saqtaý uıymy maımyl shesheginiń órshýin jahandyq tótenshe jaǵdaı dep jarııalady. Uıymynyń málimetinshe, qazir 75 elde atalǵan aýrýǵa 16 myńnan astam adam shaldyǵyp, 5 adam kóz jumǵan.