Úndistan maska kıdi, Qytaıda aýrýhanada oryn joq. Kovıdtiń jańa tolqyny taraı ma

ASTANA.QazAqparat – Úndistan bıligi azamattardy taǵy da kovıd shekteýlerin saqtap, betperde kııýge shaqyrdy. Kórshi Qytaıda vırýstyń órshýinen Úndistan bıligi saqtanýǵa kiristi, dep habarlaıdy QazAqparat VVS jańalyqtaryna silteme jasap.

Dúnıejúzilik densaýlyq saqtaý uıymynyń málimetinshe, sońǵy aptalarda jańa kovıd-19 tolqynynyń taralýyna baılanysty Beıjińdegi jáne Qytaıdyń basqa qalalaryndaǵy aýrýhanalarda oryn joq.

Qytaı bıligi aýrý sany salystyrmaly túrde tómen ekenin aıtady, al DDU tótenshe jaǵdaılar bóliminiń basshysy Maıkl Raınnyń aıtýynsha, Qytaıdaǵy reanımatsııa bólimsheleri tez tolyp jatyr.

Osyǵan baılanysty kórshiles Úndistan bıligi turǵyndardy qaıtadan betperde kıip, pandemııa kezinde usynylǵan erejelerdi saqtaýǵa, sondaı-aq saqtyq sharasy retinde vaktsınanyń kúsheıtkish ekpesin alýǵa shaqyrdy.

Qytaı alǵash ret elge sheteldik vaktsınany jetkizýge ruqsat berdi - sársenbide germanııalyq Pfizer/BioNTech birinshi partııasy keldi.

Foto: www.bbc.com