Úndistan Kúndi zertteıtin avtomatty stansasyn ǵaryshqa ushyrdy

ASTANA. QazAqparat - Kúndi zertteıtin alǵashqy úndi mıssııasy bastaldy. Bengal shyǵanaǵyndaǵy ulttyq ǵarysh aılaǵynan Lagranj L1 núktesine baǵyt alǵan avtomatty stansa sátti ushyryldy, dep habarlaıdy QazAqparat Euronews agenttigine silteme jasap.

Úndistannyń ǵaryshtyq zertteýler uıymy avtomatty kún stansasyn Jer orbıtasyna sátti shyǵardy.

Ushyrý Bengal shyǵanaǵyndaǵy Shrıharıkota aralynda ornalasqan ǵarysh aılaǵynan júzege asty.

Stansa biraz ýaqyt Jerdi aınalyp júredi, sodan keıin Lagranj L1 núktesine tórt aılyq saparǵa shyǵady. Bul núktede Jer men Kúnniń tartylys kúshi teń sanalady.

Bul - Kúndi zertteıtin alǵashqy úndi mıssııasy. Onyń mindeti - elektromagnıttik órister, bólshekter men magnıt órisi detektorlaryn paıdalana otyryp hromosfera men Kún tájin zertteý.

Munyń aldynda úndiniń «Vıkram» apparaty Aı betine sátti qonǵan bolatyn.