Úndistan bir zymyranmen 22 spýtnık ushyrmaq

ASTANA. QazAqparat - Úndistannyń ǵarysh zertteýler uıymy (ISRO) bir zymyrannyń kómegimen 22 spýtnık ushyryp, Elon Mask pen Djeff Bezos jobasynan ozbaq.

International Business Time habarlaǵandaı, jer serikterin ushyrý 20 maýsymǵa josparlanǵan jáne ol ǵaryshty úndistandyqtardyń ıgerýiniń tarıhyndaǵy eń aýqymdysy bolmaq.

Isro basshysy A.Kıran Kýmardyń sózine qaraǵanda, Shrıharıkota  aralyndaǵy  Satısh Dhavan atyndaǵy Ǵarysh ortalyǵynyń ǵarysh aılaǵynan AQSh, Úndistan, Kanada jáne Germanııa spýtnıkteri ushyrylady.

Apparattar jer mańyndaǵy atmosferany zertteıdi. A. Kıran Kýmar Úndistanǵa orbıtadaǵy óz jer serikteriniń sanyn 2 esege ulǵaıtý kerek ekenin atap ótti. Qazir olardyń sany - 35.

Alaıda sarapshylar Úndistannyń josparyna senbestik tanytty. Olardyń aıtýynsha eldegi jalǵyz ǵarysh aılaǵy atalǵan jospardy júzege asyrýǵa múmkindik bermeıdi.