Úndistan Aıǵa zymyran ushyrdy

ASTANA. QazAqparat – Úndistan Aıdyń ońtústik polıýsine zertteýshi robotty jetkizýge arnalǵan «Chandraıan-3» zymyranyn sátti ushyrdy, dep habarlaıdy QazAqparat Euronews agenttigine silteme jasap.

Satısh Dhavan atyndaǵy ǵarysh ortalyǵy baqylap otyrǵan mıssııa 14 táýlikke sozylady jáne oǵan 75 mln dollar jumsalmaq.

Apparat aı mańyndaǵy orbıtaǵa shyǵýy tıis. 23-24 tamyzǵa qaraı Aıǵa qonýy kerek.

Ári qaraı zertteý jabdyqtarymen jabdyqtalǵan aı betinde júretin robot Jerdiń tabıǵı seriginiń betine hımııalyq taldaý júrgizedi.

Eger bári oıdaǵydaı ótse, Úndistan Aıǵa barǵan tórt eldiń biri bolady (Reseı, AQSh jáne Qytaıdan keıin).

Bul - úndi ǵaryshkerleriniń osyndaı úshinshi mıssııasy.

2019 jylǵy talpynys sátti bolmady. Aıdyń betine qonaıyn dep jatqanda zymyrannyń Jermen baılanysy úzilip ketken.