Úndi shtamyna densaýlyq saqtaý júıesi daıyn ba – Alekseı Tsoı jaýaby

NUR-SULTAN. QazAqparat – QR Densaýlyq saqtaý mınıstri Alekseı Tsoı eldegi densaýlyq saqtaý júıesiniń jańa syn-qaterlerge daıyndyǵy týraly aıtyp berdi, dep habarlaıdy QazAqparat tilshisi.

Mınıstrge «Úndi shtamynyń qaýipti ekenin eskersek, eldegi epıdemıologııalyq jaǵdaıdyń boljamy qandaı?» degen suraq qoıyldy.

«Árıne, biz boljaýmen aınalysamyz. Úndi shtamynyń elde qalaı taralatynyn túsiný óte mańyzdy. Nur-Sultannan basqa Almatyda bul shtammnyń yqtımal belgileri paıda boldy. Tipti bir jaǵdaı anyqtaldy. Sınhrondaý negizinde biz el boıynsha keńirek kórinisti kóre alamyz. Jalpy densaýlyq saqtaý júıesi reaktsııa berý boıynsha qaıta quryldy. Rezervtik tósek qoryn kem degende eki ese kóp ornalastyrýǵa bolady. Tósek-oryndar daıyn. Dárilik zattar qoımalarda úsh aılyq qorda bar, jeke qorǵanys quraldary da jetkilikti», - dedi A. Tsoı Ortalyq kommýnıkatsııalar qyzmetinde tilshiler suraǵyna bergen jaýabynda.

Onyń aıtýynsha, qazir Nur-Sultandy qospaǵanda, kóptegen óńirlerde jaǵdaı turaqty, al elordada epıdemııaǵa qarsy is-sharalar júrgizilip jatyr.