«Úndi serıaldaryna shekteý bar, Biraq qaı arnada?» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 17 shilde, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

Otandyq arnalardan endi úndi jáne koreı teleserıaldary kórsetilmeıtin boldy. Bul jóninde Mádenıet jáne sport vıtse-mınıstri Marat Ázimhanov málimdegen edi, dep jazady "Aıqyn" gazeti "Úndi serıaldaryna shekteý bar, Biraq qaı arnada?" atty maqalada.

Vıtse-mınıstr: «Qazir otandyq telehıkaıalar men baǵdarlamalardy kóptep túsirip, eldegi arnalardan memlekettiń mádenıetin kórsetý baǵytynda jumys jasaý kerek. Kórermen «nege úndi jáne koreı hıkaıalaryn kórsetedi?» dep shaǵymdanyp jatady. Saýal óte oryndy. Búginde osy saýaldyń jaýabyn anyqtaý maqsatynda aýqymdy jumystar júrgizilýde. Endi jańa jobalardy iske asyrýdy bastaımyz» degen eken.

Olardyń serıaldaryn satyp alýǵa kóp qarjy shyǵyn­dalady. Biz jaqsy bilemiz: olar­dy translıatsııalaýǵa da mol shy­ǵyn shyǵarylady. Nátıje­sinde, memlekettik orasan zor qarjy túrik, koreı serıaldar óndirisi­ne ınvestıtsııa­lanady. Sondyqtan endi, túrik, koreı serıaldaryn satyp alýdy toqtatý týraly túpki­likti sheshim qabyldandy. Bıyldan bastap, birde-bir serıal satyp almaımyz» degen edi. Mınıstrdiń talaby «Qazaqstan» ulttyq arnasy men «Habar» arnasynda júzege asqan sekildi. Óıtkeni, túrik pen koreı serıaldary áli kúnge shekti kommertsııalyq arnalarda emin-erkin kórsetilip keledi. Memle­ket sol joly túrik pen koreıge shekteý qoıǵanymen, úndi men reseılik serıaldardyń kórsetil­meýine talap qoıa alǵan joq. Elimizde onnan astam telearnalar bolsa, sol arnalardyń deni úndi serıaldarymen praım-taımdy toltyryp keldi. Sońǵy kezderi úndi serıaldarynyń qataryn fılıppındik serıaldar tolyq­tyryp otyr.

"Ótken joly da otandyq ónim­niń de sany artady dep qýanǵan edik. Vıtse-mınıstr Marat Ázimhanov ta «otandyq telehı­kaıalar men baǵdarlamalardy kóptep túsirýge» basymdyq beremiz» deıdi. Otandyq ónimge qalaı basymdyq bere alamyz? Birinshiden, Qazaq handyǵy týraly túsiriletin serıaldyń ózine qarjy jetpeı otyr. Jyldyń úzdik serıaly bolýǵa tıis ónimge qarjy jetpese, otan­dyq serıaldardy kóptep túsirýge múmkindik týa qoıar ma eken", - dep saýal tastaıdy basylym.

Bıylǵy jyldyń alǵashqy 6 aıynda Astana qalasy boıynsha Qarjylyq baqylaý ınspektsııasy 145 nysanǵa 163 tekserý júrgizip, qazynanyń 23 mıllıard teńgeden astam qarjysyna qatysty zańsyz áreketterdi áshkereledi, dep habarlaıdy "Aıqyn" basylymy "23 mıllıardtyń deregi qaıda?" atty maqalasynda.

"Buǵan qosa, ınspektsııa qyzmet­kerleri quqyq qorǵaý organdarymen birlesip ótkizgen sharalar sheń­be­rin­de 68 tekserýge qatysyp, bıýd­jet­tiń 62 mıllıard teńgesiniń tıi­sinshe jumsalýyn baqylady. Nátı­jesinde, 10 mıllıard teńgeni «qoldy qylmaı» saqtap qaldy", - delingen atalǵan materıalda.

Mamandar protsessýaldy she­shim qabyldaý úshin quqyq qorǵaý organdaryna 5 baqylaý materıalyn joldady jáne memleket qarjy­sy­nyń ońdy-soldy jumsalýyna jol bergen jaýapsyz jandardyń ústi­nen 10 talap-aryz túsirdi. Sonymen qatar 33 laýazymdy tulǵanyń ákim­shilik, 137 laýazymdy tulǵanyń tártiptik jaýapkershilikke tarty­lýyna túrtki boldy.

***

Keshe Qazaqstan Respýblıkasy Tuńǵysh Prezıdenti - Elbasy kitaphanasynda tarıh ǵylymdarynyń doktorlary, professorlar Búrkitbaı Aıaǵan men Álıma Aýanasovanyń Elbasy Nursultan Nazarbaevtyń ómiri men qyzmetine arnalǵan «Nýrsýltan Nazarbaev: chelovek ý vlastı» kitabynyń tusaýkeseri ótti. Bul týraly "Egemen Qazaqstan" gazeti jazyp otyr.

«Nýrsýltan Nazarbaev: chelovek ý vlastı» tarıhı-ómirbaıandyq kitaby «Nýrsýltan Abıshevıch Nazarbaev - osnavatel nezavısımogo gosýdarstva», «Nýrsýltan Nazarbaev ı kazahstanskaıa model stroıtelstva gosýdarstva», «Mır o Nazarbaeve», «Kemeńger», «Nezavısımyı Kazahstan ı Lıder natsıı» syndy kóptegen eńbektiń jalǵasy. Avtorlary bul eńbek arqyly eń aldymen, eldiń saıası shyńyna shyǵyp, ony halyqaralyq sahnada tanymal ete bilgen daryndy tulǵanyń ómir jolyn kórsetýdi kózdegen eken. ıAǵnı, usynylǵan jańa kitapta alǵash ret Qazaqstannyń bolashaq lıderiniń qalyptasý jolyn, onyń álem qaýymdastyǵy oń baǵalaǵan ósý joly baıandalady, qalyptasqan memlekettiń strategııalyq baǵdaryn aıqyndaǵan iri geosaıası ózgerister aıasynda memleket qurý kezindegi Qazaqstan Kóshbasshysynyń tájirıbesine taldaý jasalady", - delingen "Bılik basyndaǵy adam" atty maqalada.

"Egemen Qazaqstannyń" "Keshendi test" degen taqyryppen jarııalanǵan kelesi materıaly joǵary oqý oryndaryna túsýdi kózdep otyrǵan úmitkerlerdiń arasynda ótetin keshendi synaqqa arnalyp otyr.

"Joǵary oqý oryndaryna túsýge nıet etken talapkerlerden synaq alý maqsatynda jyl saıyn ótkizilip kele jatqan dástúrli keshendi testileýge daıyndyq aıaqtaldy deýge bolady. Bıyl ótinish bergenderdiń uzyn sany 81 285 bolsa, onyń 56 741-i qazaq tilinde, al 24 544-i orys tilinde emtıhan tapsyrady. Ótken jylmen salystyryp qaraıtyn bolsaq, ótinish bergender sany 6,63% qysqarypty. Synaq tapsyrýǵa tilek bil­dir­genderdiń 17 259-y mektep bitirýshi túlekter eken. Al 19 765-i 11 synypty bitirgennen keıin kásiptik-tehnıkalyq bilim berý oryndarynda oqyǵandar, 44 261-i 9 synyptan keıin kásiptik-tehnıkalyq bilim berý mekemelerinde oqyǵandar bolyp tabylady. Bıylǵy keshendi testileý aǵymdaǵy jyldyń 18 jáne 23 shildesi aralyǵynda Ota­ny­myzdaǵy 40 joǵary oqý or­ny­nyń bazasynda ótkiziledi. Onyń ishinde úsheýi Ulttyq óner ýnı­versıteti men Іshki ister mı­­nıst­liginiń vedomstvosyna qa­­raı­tyn úsh joǵary oqý orny", - deıdi gazet.

***

Resmı tilde shyǵatyn respýblıkalyq "Ekspress K" gazetinde Aqmola oblysynda turatyn erekshe otbasy týraly maqala jaryq kórdi.

"Sportpen áýestenetin ata-ana eki balasyn Qazaqstan chempıony etip tárbıelep shyǵardy", - delingen "Velıkolepnaıa chetverka" atty materıalda.

Sáýle jan-jary Aleksandr Mýhınmen sporttyq rezervter mektebinde tanysqan. 1993 jyly Aleksandr oǵan úılenýge usynys tastaıdy. Eki uldary bar. Ekeýin de olar sportqa beıimdedi. Qazirgi ýaqytta úlken uly - Rınat Qazaqstannyń shańǵydan erler quramasyna enip otyr. Al kishi uly Aleksandr Avstrııadan júldeli oraldy. Bıyl Mýhınder "Mereıli otbasy" baıqaýynda jeńimpaz atandy.