UN Women: Qazaqstan áıelderdiń qorǵalýyna zor úles qosýda

NЬıÝ-IORK. QazAqparat - Qazaqstan ǵalamdyq dárejede áıelderdiń qorǵalýyna úlken úles qosyp keledi. «QazAqparat» HAA tilshisine Qazaqstan týraly oı-pikirimen bólisken «BUU-áıelderi» (UN Women) beıbitshilik jáne qaýipsizdik qurylymynyń basshysy Paıvı Kannısto osylaı dedi.

«Áıelderdiń áleýmettik-ekonomıkalyq múmkindikteri men quqyqtarynyń qorǵalýynda bizdiń jumysymyzǵa erekshe úles qosyp júrgen Qazaqstanǵa rızashylyǵymyz mol. Qazaqstannyń dıplomatııasy bul baǵyttyń alǵa jyljýynda zor úlesin qosýda. Antııadrolyq kúsh-jigerin tanyta bilgen Qazaqstan adamzattyń kóptegen halyqaralyq máselelerin sheshýde, ǵalamdaǵy áıelderdiń jaǵdaıynyń jaqsarýyna atsalysyp keledi», - deıdi ol.

 P.Kannısto óz sózinde jyl saıyn qorǵanys bıýdjetine bólinetin qarajattyń 1 paıyzyn búkil álemdegi elderdiń áleýmettik jáne ekonomıkalyq damýyna bólý týraly Qazaqstannyń bastamasyna zor baǵa berdi.

«Biz Qazaqstan Prezıdenti Nursultan Nazarbaevtyń qatysýymen ıadrolyq qarýlardyń taratylmaýy taqyrybynda ótetin debattardy asyǵa kútip júrmiz. Sonymen birge, Qazaqstan Aýǵanstan máselesine erekshe nazar aýdarýǵa úndeıdi. Álbette, bul baǵyt aýǵan elindegi halyqtyń, ásirese áıelderdiń quqyǵyn qorǵaýdaǵy jumysty kúsheıte túseri daýsyz», - deıdi ol.

Eske sala ketsek, «BUU-áıelderi» - genderlik teńdik pen áıelderdiń quqyǵy men ekonomıkalyq múmkindikterin keńeıtýge baǵyttalǵan BUU qurylymy. «BUU-áıelderi» Birikken Ulttar Uıymyna múshe memleketterdi genderlik teńdik boıynsha álemdik standarttaryna saı bolýǵa shaqyrady. Sonymen birge, uıym memleketterdiń úkimetterimen, azamattyq qoǵamdastyqtarymen birlese otyryp, búkil álemdegi áıelder men qyzdardyń quqyǵyn qorǵaý úshin zańnama ázirleý, saıası strategııa qurý  jumystaryn júrgizedi.