Úmitker Taspıhovtyń shtaby Tarazdaǵy oftalmologııa ortalyǵynda boldy
16:44, 21 Mamyr 2019
TARAZ. QazAqparat - Qazaqstan Respýblıkasy Prezıdenttigine kandıdat Amankeldi Taspıhovtyń Jambyl oblystyq qoǵamdyq shtab músheleri - senimdi ókilderi oblystyq oftalmologııa ortalyǵy ujymymen kezdesip, saılaýaldy úgit-nasıhat jumystaryn júrgizdi. Bul týraly QR Kásipodaqtar federatsııasynyń baspasóz qyzmeti habarlady.
Kezdesýge kelgen 50-ge tarta ujym múshesine senimdi ókil B.Qaraýylov elimizdegi eń úlken qoǵamdyq uıym sanalatyn Kásipodaqtar federatsııasy usynǵan kandıdat Amankeldi Taspıhovtyń tuǵyrnamasyndaǵy kóterilgen máselelerdi baıandap, árqaısysyna jeke-jeke toqtaldy. Ol kásipodaqtyń eńbek qoǵamy men eńbek adamy úshin qanshalyqty mańyzdy ekenin aıtty.
Jıyn sońynda senimdi ókilder eńbek ujymyn biraýyzdan kandıdat A.Taspıhovty qoldaýǵa shaqyryp, úgit-nasıhat materıaldaryn taratty.