Ulytaýlyq jastar turǵyn úımen qamtamasyz etiledi

JEZQAZǴAN. QazAqparat - Bıyl Ulytaý oblysynda alǵash ret jastarǵa arnalǵan «Ulytau Zhastary» turǵyn úı baǵdarlamasy bastaldy. Baǵdarlama 35 jasqa deıingi oblys turǵyndaryna tıimdi sharttarmen turǵyn úı satyp alýǵa múmkindik beredi, dep habarlaıdy QazAqparat.

Ulytaý oblysynyń ákimdigi «Otbasy bank» AQ birlese otyryp qoljetimdi qaryzdar berý úshin 750 mln teńge kóleminde qarajat bóledi, onyń 500 mln. jergilikti qarajat esebinen.

Baǵdarlama qatysýshylaryna jyldyq nesıe mólsherlemesi 6%-dy quraıdy. Qaryzdyń eń joǵary somasy – 20 mln teńge. Bastapqy jarna kem degende 10% bolýy kerek.

Búgingi tańda Jezqazǵan qalasynan 30 ótinish berýshi nesıe alyp, turǵyn úı ıesi atandy. Aldaǵy ýaqytta baǵdarlama aıasynda úımen qamtamasyz etiletin jastar sanyn 44-ke deıin arttyrý josparlanǵan.

Atalmysh baǵdarlamamen turǵyn úı alý boıynsha baıqaýǵa kelesi memlekettik uıymdardyń: densaýlyq saqtaý, bilim berý, mádenıet, sport, BAQ, áleýmettik salanyń shtattyq qyzmetkerleri qatysa alady.

«Ulytau zhastary» baǵdarlamasyna qatysý úshin ótinish bergen kezde 35 jastan (qosa alǵanda) aspaýy, qatysýshynyń jáne onyń otbasy músheleriniń QR aýmaǵy boıynsha sońǵy 5 jylda menshik quqyǵyndaǵy turǵyn úıdiń bolmaýy, Tańdalǵan saladaǵy resmı jumys ótili bolýy mańyzdy. Sonymen qatar aıta keterligi, baǵdarlamaǵa erli-zaıyptylardyń bireýi ǵana qatysa alady.