Ulytaýdan qulannyń joıylýy men Joshy han ólimi arasynda qandaı baılanys bar

JEZQAZǴAN. QazAqparat – Jezqazǵan óńiri, Ulytaý qoınaýy Altyn Ordanyń bastaýynda turǵan tulǵalarmen baılanysty tarıhı nysandarǵa baı. Sonyń biri – Dombaýyl kesenesi. Jezqazǵan tarıhı-arheologııalyq mýzeıiniń mamany Dıana Qapparova QazAqparat tilshisine atalǵan tulǵanyń el aýzyndaǵy ańyzdardaǵy beınesi týraly málimetter berdi.

Keıbir derekterde Shyńǵys hannyń saraı sazgeri bolǵan delinetin Dombaýyl Joshy hannyń ólimi qulannan kelgenin bilgende Ulytaý óńirindegi qulannyń tuqymyn joıyp jibergen. Kóne ańyzdardan búginge osyndaı málimet jetken. Jezqazǵan tarıhı-arheologııalyq mýzeıiniń ekskýrs júrgizýshisi Dıana Qapparovanyń aıtýynsha, ańyzdyń qısyny keremet bolǵanymen, keseneniń «jasy» men Shyńǵys hannyń ómir súrgen zamanynda alshaqtyq bar. Óıtkeni Dombaýyl kesenesi VIII-ІH ǵasyrlardyń nysany bolyp esepteledi.

«Dombaýyl - álemdi jaýlaǵan Shyńǵys hannyń saraı sazgeri bolǵan deıtin derekter bar. Joshy hannyń ólimi qulannan bolǵandyqtan, ortalyq Qazaqstan aýmaǵynan qulandy joıyp jibergen dep te aıtylady», - dedi mýzeı qyzmetkeri.

Aıta keteıik, Ulytaý oblysynyń ákimi Berik Ábdiǵalıuly Prezıdenttiń aldynda qandaı negizgi problemasyn kóteretinin aıtty.