Ulytaýda Joldaýǵa baılanysty aýqymdy jumystar atqarylýda – Berik Ábdiǵalıuly

QARAǴANDY. QazAqparat - Memleket basshysy Qasym-Jomart Toqaev Qazaqstan halqyna arnaǵan ekinshi Joldaýyn jarııalady. Joldaýda elimizdiń áleýmettik-ekonomıkalyq damýyna oń serpin beretin máseleler qaraldy.

Memleket basshynyń memlekettik baǵdarlamalardyń jańa úlgisine qatysty saraptamalyq úlgidegi pikirleri men sodan órbıtin naqty ustanymdary kóńilge qonymdy ekeni aqıqat.

«Osyǵan qatysty reformalardy «memlekettik basqarýǵa, kadr saıasatyna, sheshim qabyldaý júıesine jáne olardy oryndaý jaýapkershiligine degen kózqarasty ózgertýden bastaýymyz kerek» degen sózinde tereń mán jatyr. Sebebi, barlyq máselelerdiń túpki túıinin tarqatý jaıy basqarý tetiginiń tıimdiligine tikeleı baılanysty»,- dep Joldaýǵa qatysty pikirin bildirdi Ulytaý aýdanynyń ákimi Berik Ábdiǵalıuly.

Joldaýǵa baılanysty bıylǵy jyly Ulytaý aýdanynda aýqymdy jumystar atqarylýda. «Jumyspen qamtýdyń jol kartasy» baǵdarlamasy aıasynda 18 ınfraqurylymdyq joba júzege asyrylýda. Damytý jobasy aıasynda 3 joba iske asyrylýda. Olar Qarsaqbaı kentinde 100 oryndyq sporttyq saýyqtyrý kesheni, Jezdi kentinde de 100 oryndyq sporttyq saýyqtyrý kesheniniń qurylys jumystary júrgizilýde. Sondaı-aq, aýdan ortalyǵynda káriz tazalaǵysh ǵımarattardyń qurylysy jasalýda.

Osy jyly

15 joba iske asyrylady. Bilim berý salasynda - 3 joba, mádenıet salasynda - 4 joba, turǵyn-úı, kommýnaldyq sharýashylyq jáne avtomobıl joldary salasynda - 8 jobanyń jumystary iske asyryldy. «Jumyspen qamtýdyń jol kartasy» aıasynda 522 jańa jumys oryndary, onyń ishinde jumyspen qamtý ortalyǵy arqyly 260 adam jumyspen qamtyldy. Búgingi kúni «Jumys oryndaryn qurý ıntegratsııalyq kartasy» bazasyna josparlanǵan barlyq 522 jumys ornynyń 275 orny ashyldy, sonyń ishinde JQO arqyly 142 adam ýaqytsha jumystarǵa joldanyp, merdiger arqyly 142 adamǵa eńbek kelisimsharttary engizildi.

«Aýyl el besigi» arnaıy jobasy aıasynda aýdanymyzǵa qarasty barlyq mektepter men klýb úılerine kúrdeli jumystar júrgizilip, búgingi tańda paıdalanýǵa berildi. Kópten kútken Alǵabas aýylyndaǵy orta mektep búgingi tańda paıdalanýǵa berilip, oqýshylar sol mektepte bilim alyp jatyr. Bıylǵy jyly Memleket basshysynyń Joldaýda kórsetilgindeı aýdanymyzdyń gúldenýine ózimizdiń septigimizdi tıgizip jatyrmyz. Áli de bolsa aýdanymyz úshin jumys isteýge daıynbyz. Elimiz, jerimiz, aýdan, aýyldarymyz kórkeıe bersin!», - dedi Ulytaý aýdanynyń ákimi Berik Ábdiǵalıuly.