Ulytaýda 24 kópbalaly otbasyǵa páter kilti tabystaldy

ULYTAÝ. QazAqparat – Táýelsizdik kúni Qaraǵandy oblysy Ulytaý aýylynda 24 kópbalaly otbasy «Nurly jer» baǵdarlamasy boıynsha salynǵan úıden páter aldy, dep habarlaıdy QazAqparat tilshisi.

«Elmen qatar bizdiń aýdan da damyp keledi. Mektepter men balabaqshalar, emhanalar, sport ǵımarattary ashyldy. Turǵyn úı salynyp, paıdalanýǵa berildi.

Abattandyrý boıynsha úlken jumystar júrgizildi. Kóptegen jobalar memlekettik baǵdarlamalar aıasynda júzege asyryldy. Mine, búgin de 24 otbasy qonys toıyn toılady. Sizderdi osyndaı mańyzdy oqıǵamen quttyqtaımyn!», - degen Ulytaý aýdanynyń ákimi Sovetbek Medebaev qonys ıelerine ıgi tilegin bildirdi.

Úı arnaıy qazandyqpen jylytylady. Aýlada turaq bar. Balalar alańyn da ornatý josparlanýda.

«El Táýelsizdiginiń 30 jyldyǵyna oraı biz óz baspanamyzdy aldyq. Men bul sharaǵa at salysqandardyń barlyǵyna sheksiz qýanyshtymyn jáne rızamyn», – deıdi kóp balaly ana Irına Strıýk.

Ulytaý aýdanynda eki 8 páterli jáne eki 16 páterli úılerdiń qurylysy júrip jatyr. Turǵyn úıdi kezekte turǵandar alady. Búginde olardyń sany 188 adam.