Ulytaýda 10 tonna dızel otynyn urlamaq bolǵandar ustaldy
Ulytaý oblysy Polıtsııa departamenti uıymdasqan qylmysqa qarsy kúres basqarmasynyń qyzmetkerleri jedel is-sharalaryn júrgizý barysynda Sátbaev qalasyndaǵy jeke ónerkásip aýmaǵynda temir konteınerler (bóshkeler) tıelgen júk kóligin ustady.
Sonymen qatar polıtseıler atalǵan kásiporynnyń eki qyzmetkerin jáne Sátbaev qalasynyń eki turǵynyn ustady. Atalǵan tulǵalar janar-jaǵarmaı jetkizýmen aınalysatyn jaýapkershiligi shekteýli seriktestikterdiń birinde júrgizýshi bolyp jumys isteıtini anyqtaldy.
Kúdiktiler júkti tasymaldaý kezinde onyń bir bóligin urlap alyp, jumystan soń arnaıy konteınerlerge quıyp, satyp jiberip otyrǵan.
Oqıǵa ornynda polıtseıler 35 metall bóshke men eki tsısterna tapty – olardyń barlyǵyna jalpy salmaǵy 10 tonna dızel otyny quıylǵan. Keltirilgen shyǵyn kólemi shamamen 8 mıllıon teńgeni qurady.
Atalǵan derek QR QK-niń 188-baby (Urlyq) boıynsha sotqa deıingi tergeý amaldary júrgizilip jatyr. Polıtseıler ustalǵandardyń sybaılastaryn anyqtap jatyr.
Foto: polisia.kz